Bazar , Oktyabr 25 2020
Ana səhifə / Aktual / “2600 ödədik, “Dellora”da bizə köhnə mebel satdılar” – Fotolar

“2600 ödədik, “Dellora”da bizə köhnə mebel satdılar” – Fotolar

Bakı sakini Sona Həsənova “Dellora” mebel salonunun onlara köhnə mebel satdığını iddia edir.

Bu səbəbdən “Qafqazinfo”ya müraciət edən şikayətçi bildirib ki, elana əsasən köhnə mebelini yeni mebellə əvəzləmək üçün şirkətə təqdim edib. Ancaq onlara yenidən köhnə mebel verilib:

“Ötən il sentyabrın 5-də öz köhnə mebelimi “Dellora” mağazalar şəbəkəsinə təhvil verdim. Mən işdə, həyat yoldaşım isə xəstəxanada olanda yeni mebeli qaynıma təhvil veriblər. O da fikir verməyib. Sonradan biz gördük ki, mebel köhnədir. Üzərində xeyli cızıqlar var. Mağaza işçilərinə dedik, gəlib baxdılar. Ancaq dəyişmirlər. 2600 manat pul ödəmişik, əvəzində köhnə mebel verildi”.

Məsələylə bağlı şirkət nümayəndəsi Səbinə Mirzəyeva “Qafqazinfo”ya bildirilib ki, mebeldəki cızıqlar və qeyd onunan digər problemlər sonradan yaranıb: 

“Mebeldə hər hansı bir problem yarandığı təqdirdə 14 gün ərzində dəyişmək və qaytarmaq mümkündür. Ancaq sözügedən şəxs bizə 3 ay sonra müraciət edib. Qeyd etdiyi bütün səbəblər sonradan yaranıb. Sadəcə bir detalında problem var, onu düzəltmək istəyirik, razı olmur”.

 



Həmçinin oxuyun

Qubadlı rayonu Ermənistan ərazisindən artilleriya atəşinə tutulur – Müdafiə Nazirliyi

Döyüş mövqelərini itirərək geri çəkilməyə məcbur edilən düşmən Ermənistanın Gorus rayonu istiqamətindən Azərbaycanın Qubadlı rayonunun …