Çərşənbə , Oktyabr 21 2020
Ana səhifə / Əziz Yıldırım Ramilə görə ağladı, Azərbaycana təşəkkür etdi – VİDEO

Əziz Yıldırım Ramilə görə ağladı, Azərbaycana təşəkkür etdi – VİDEO

Fənərbaxça”nın prezidenti Əziz Yıldırım Londonda keçirilən atletika üzrə Dünya Çempionatında Türkiyə yığmasını təmsil edən azərbaycanlı atlet Ramil Quliyevin tarixi uğurunu şərh edib. Ə.Yıldırım “Fənərbaxça” idmançısı olan R.Quliyev barədə danışarkən göz yaşlarını saxlaya bilməyib.
Lent.az-ın sozcu.com.tr-yə istinadən verdiyi məlumata görə, Ə.Yıldırım klubun telekanalına bu sözləri deyib: “Belə bir övladımızın dünya çempionu olduğuna görə çox xoşbəxtəm. İnşallah o biri idmançılarımız da qalib olar. Buradan Azərbaycan dövlətinə də təşəkkür etmək lazımdır. Çünki Ramil burada iki dövlətin, bir millətin övladı kimi mübarizə apardı. Bizi qürurlandırdı. Bütün dünyaya həm “Fənərbaxça”nın, həm də Türkiyənin adını səsləndirdi. Ramil bu qələbəsi ilə sübut etdi ki, Türkiyə atletika üzrə də inkişaf edib. Bu cür insanları dəstəkləmək lazımdır ki, qalibiyyətlərin sayı daha da artsın”.

 

Qeyd edək ki, R.Quliyev çempion tituluna yiyələndikdən sonra stadionda Azərbaycan və Türkiyə bayraqları ilə dövrə vurub.

Həmçinin oxuyun

Hikmət Hacıyev: “İlham Əliyev danışıqlara hazırdır, Paşinyan isə yox!”

“Ermənistanın baş nazirinin münaqişənin diplomatik həlli yoxdur” deyə açıqlaması növbəti dəfə onu nümayiş etdirir ki, …

Bir cavab yazın