Cümə , Dekabr 14 2018
Ana səhifə / Tibb / Artıq dişi kariyesdən qorumaq mümkün olacaq

Artıq dişi kariyesdən qorumaq mümkün olacaq

ABŞ-ın kimyaçı alimləri diş ərpi və daşının yaranmasına səbəb olan mikrob təbəqəsini əridə bilən nanomaterial yaradıblar.

Trend-in məlumatına görə, Pensilvaniya Universitetindən (Filadelfiya, ABŞ) Xyun Ku və onun həmkarları orqanizmdə dəmir çatışmazlığına qarşı mübarizə məqsədilə yaradılmış nanohissəciklərlə eksperiment apararkən diş daşını və onunla əlaqəli streptokok biotəbəqəsini təmizləməyin effektiv yolunu kəşf ediblər. Bu preparat turşu mühitinə düşərkən daha çox hidrogen-peroksid ayırmağa başlayır. Peroksid bakteriyaları öldürür və dişlərin sağlam hissələrinə toxunmadan onları məhv edir.

Alimlər diş daşından nümunələr götürərək nanohissəciklərin onlara təsirini öyrəniblər. İlk təcrübə göstərib ki, bu cür “diş tozu” diş emalını zədələmədən ərpi tez dağıdır və mikrobları öldürür. Bu cür nanohissəcikləri diş pastasına, yaxud kariyesə qarşı məhlullara əlavə etmək olar.

VIPedu.BIZ

Həmçinin oxuyun

Azərbaycanda piylənmə diaqnozu qoyulan uşaqların sayı açıqlandı

2017-ci ildə Azərbaycanda 699 nəfər uşaqda ilk dəfə piylənmə aşkar edilib. Trend-in məlumatına görə, 18 …