Cümə axşamı , Sentyabr 20 2018
Ana səhifə / Sosial / Bu fotolara görə nazirlik vəzifəli şəxsi cərimələdi

Bu fotolara görə nazirlik vəzifəli şəxsi cərimələdi

Sumqayıt şəhəri, Corat qəsəbəsi, Xəzər dənizi sahili zonasında çirkab suların çimərlik zonasından birbaşa Xəzər dənizinə axıdılması ilə bağlı sosial şəbəkədə yayılan görüntülərlə əlaqədar Ekologiya və Təbii Sərvətlər Nazirliyinin əməkdaşları tərəfindən yerində araşdırma aparılıb.

Azinforum.az  Ekologiya və Təbii Sərvətlər Nazirliyinə istinadən xəbər verir ki, sözügedən əraziyə keçirilən baxış zamanı çirkab suların birbaşa Xəzər dənizinə axıdıldığı aşkar olunub. Araşdırma zamanı çirkab suların Sumqayıt Su Kanal İdarəsinə məxsus kanalizasiya şəbəkəsindən təxliyə üçün nəzərdə tutulan boru xətdən birbaşa dənizə axıdıldığı müəyyən edilib.

Faktla bağlı Sumqayıt Su Kanal İdarəsinin rəisi Darvin Hüseynov barəsində protokol tərtib edilib və o, İnzibati Xətalar Məcəlləsinə əsasən vəzifəli şəxs qismində 3000 manat məbləğində cərimə olunub.

Belə hallara bir daha yol verilməməsi üçün İdarəyə icrası məcburi olan “məcburi göstəriş” verilib.


Həmçinin oxuyun

“Ən yaxşısı dönərdir, çörəyi iri olur, doyuruq…”

Yeni dərs ili bir həftəyə yaxındır ki, başlayıb və Bakının ali məktəbləri qapılarını yenidən tələbələrin …