Azinforum.az İnformasiya Portalı Onlayn Xəbər Portalı
Prezidentin bu çıxışı əslində Ermənistanın yeni rəhbərliyinə sonuncu xəbərdarlıqdır.
Bu sözləri Axar.az-a Prezident İlham Əliyevin iftar mərasimində Ermənistanın yeni rəhbərliyini real danışıqlara çağırması ilə bağlı danışarkən Azərbaycanın keçmiş xarici işlər naziri Tofiq Zülfüqarov deyib.
“Əslində, hər şey bəllidir. Prezidentin bu çıxışı Ermənistanın yeni rəhbərliyinə sonuncu xəbərdarlıqdır. Ermənistan Dağlıq Qarabağ məsələsinin həlli ilə bağlı artıq işə başlamaq üçün ciddi ölçülər götürməlidir. Əks təqdirdə məsuliyyət İrəvanın üzərinə düşəcək”, – T.Zülfüqarov bildirib.
Sabiq nazir ölkə başçısının işğalçıya son xəbərdarlığını təqdir edib:
“Paşinyanın ilk addımları da sübut etdi ki, Ermənistan Dağlıq Qarabağ münaqişəsinin ədalətli şəkildə həll edilməsini istəmir. Bu baxımdan prezidentin son xəbərdarlığında əsas ünvan Ermənistan yox, məhz beynəlxalq ictimaiyyət idi. Heç kəsə sirr deyil ki, Ermənistanın yeni iqtidarı ədalətli sülhün bərpasına hazır deyil və işğalçılıq siyasətini davam etdirmək niyyətindədir. Hesab edirəm ki, Azərbaycan Qarabağ məsələsinin həlli ilə bağlı öz təkliflərini verdi və Ermənistanı yenidən səhvə yol verməməyə çağırdı. Əgər İrəvan işğalçılıq siyasətini davam etdirsə və Bakının təklifini nəzərə almasa, baş verənlərin məsuliyyətini məhz Ermənistan daşıyacaq”.
