Azinforum.az İnformasiya Portalı Onlayn Xəbər Portalı
Xəbər verdiyimiz kimi, ABŞ prezidentinin milli təhlükəsizlik məsələləri üzrə müşaviri Con Bolton oktyabrın 20-də Cənubi Qafqaz ölkələrinə səfər edəcək.
Bununla bağılı olaraq Ermənistanda fəaliyyət göstərən NEWS.am saytı ATƏT Minsk qrupundakı amerikalı həmsədri Keri Kavanodan müsahibə alıb.
Amerikalı diplomatın fikrincə, Con Boltonun gündəmində Qarabağ məsələsi birinci olmayacaq.
O, Boltonun buraya İran məsələsinə görə gəldiyini deyib: Prezident Donald Tramp keçən ay BMT-dəki çıxışında İranı durdurmaq üçün beynəlxalq fəaliyyyətə keçilməsinin vacibilyini vurğulamışdı. İndi isə Bolton İranın nüfuzunun yayılmasını qarşısını almaq məqsədilə Moskva və Cənubi Qafqazda dəstək axtarır. Bundan başqa, Rusiya və Türkiyə ilə yaşanan xarici siyasi mübahisələr, Ukrayna, Suriya və energetika ətrafında yaranan problemlər də onun ziyarətinin əsas məsələlərini təşkil edəcək.
Kavano Azərbaycan və Ermənistan liderləri arasında sentyabr ayındakı Düşənbədəki təması da göz önünə alaraq Qarabağ mövzusunun da Bakı və İrəvanda müzakirə olunacağını söyləyib. (Musavat.com)
