Çərşənbə , Noyabr 14 2018
Ana səhifə / Siyasət / “BU MİLLƏT HƏR ŞEYƏ HAZIRDIR, TƏKİ NƏSƏ QOPARA BİLSİN” – Deputatdan aşağılayıcı çıxış

“BU MİLLƏT HƏR ŞEYƏ HAZIRDIR, TƏKİ NƏSƏ QOPARA BİLSİN” – Deputatdan aşağılayıcı çıxış

“Qarabağ müharibəsinin nə qədər veteranı var? Axı müharibədə bu qədər adam iştirak etməyib… Elələri var ki, bir dəfə də döyüşdə iştirak etməyib, amma əlillik vəsiqəsi var. Ona görə də bu sahədə islahatlar aparılmalıdır”.

“Report”un xəbərinə görə, Milli Məclisin Əmək və sosial siyasət komitəsinin bu gün keçirilən iclasında “Sosial təminatı və müdafiəni həyata keçirən müvafiq icra hakimiyyəti orqanının 2019-cu il büdcəsi haqqında”, “İşsizlikdən sığorta fondunun 2019-cu il büdcəsi haqqında”, “Azərbaycan Respublikasında 2019-cu il üçün yaşayış minimumu haqqında”, “Azərbaycan Respublikası 2019-cu il üçün ehtiyac meyarının həddi haqqında” qanun layihələrinin müzakirəsi zamanı deputat Yaqub Mahmudov deyib.

“Bu millətin nə qədər əlili, ələbaxımlısı var? Millət işləməyə vərdiş etməlidir. İndi də bir tendensiya yaranıb, hamı haradansa nəsə qoparmaq istəyir. Əlildirsə əlillik, zəlildirsə zəlillik – hər şeyə razıdır, təki nəsə qopara bilsin. Bu, millət üçün fəlakətdir. Tutaq ki, bir şəxsin ayağı yoxdursa, ona əlillik təyin etmək doğrudur. Söhbət saxta vasitələrlə əlillik dərəcəsi alanlardan gedir. Bu qədər əlilin, Qarabağ müharibəsi veteranının olması cəmiyyətdə şübhə doğurur” -deyə, deputat əlavə edib.

VIPedu.BIZ

Həmçinin oxuyun

Etibar Məmmədova mandatı Ayaz Mütəllibov alıb? – AMİP-dən eks-prezidentə CAVAB

Azərbaycanın ilk prezidenti Ayaz Mütəllibov “Qaynar qazan” verilişində səsləndirdiyi fikirlərlə gündəmə gəlib. A.Mütəllibov verilişdə deyib …