Cümə axşamı , Mart 28 2024
Ana səhifə / Kriminal / MTN generalının bacanağı rüşvət vermədə ittiham edilir

MTN generalının bacanağı rüşvət vermədə ittiham edilir

Ləğv edilmiş Milli Təhlükəsizlik Nazirliyi (MTN) Transmilli İqtisadi Cinayətkarlığa Qarşı Mübarizə Baş İdarəsinin sabiq rəisi, general-mayor Sübahir Qurbanovun bacanağı Müsənnif Talıbov barəsində cinayət işi başlanılıb.

“Report”un xəbərinə görə, M.Talıbovun barəsində Cinayət Məcəlləsinin 312-ci (rüşvət vermə) və 178-ci (dələduzluq) maddələri ilə ittiham irəli sürülüb.

İttiham aktına əsasən, o, qonşusunun atasını həbsdən azad edəcəyi və onun torpaq sahəsinə sənəd əldə edəcəyi vədi verib. M.Talıbov bu işlərin qarşılığında həmin şəxsdən ümumilikdə 30 min manat pul alıb.

Daha sonra o, verdiyi vədlərə əməl etməyib və zərərçəkmişin şikayəti əsasında saxlanılıb. Səhhətində problem olan M.Talıbovun barəsində polis nəzarəti qətimkan tədbiri seçilib. Artıq cinayət işinin ibtidai istintaqı başa çatıb və baxılması üçün Bakı Ağır Cinayətlər Məhkəməsinə göndərilib.

Məhkəmənin hazırlıq iclasında təqsirləndirilən şəxsin məhkəməyə gəlmədiyi elan olunub.

Xatırladaq ki, Bakı Hərbi Məhkəməsinin hökmü ilə S.Qurbanov 14 il müddətinə azadlıqdan məhrum edilib.

Həmçinin oxuyun

3 azyaşlı uşaq anası məhkəmə zalında həbs edildi: əri ondan şikayətçi oldu

Bakının Qaradağ rayonu, Qızıldaş qəsəbəsində həyat yoldaşına balta ilə xəsarət yetirməkdə ittiham olunan Lalə İmaşova …