Bakı-Qazax yolunun Goranboy rayonunun Azad kəndi ərazisindən keçən hissəsində qəza qeydə alınıb.
ARB TV xəbər verir ki, “Suzuki” və “VAZ-21011” markalı avtomobillərin toqquşması nəticəsində qadın sərnişin dünyasını dəyişib.
Xəsarət alan 21 yaşlı Əlikram Sadıqov, Gürcüstan vətəndaşları – 51 yaşlı Samir Talıbov və 28 yaşlı Rauf Talıbov Gəncə şəhər Təcili Tibbi Yardım Xəstəxanasının Travmatologiya şöbəsinə aparılıblar. Vəziyyətləri orta-ağır qiymətləndirilir.
Faktla bağlı araşdırma aparılır.