Ötən gün səhər saatlarında Bakı şəhəri, Yasamal rayonu, 1-ci Alatava küçəsində baş verən qətl hadisəsinin bəzi məqamlar məlum olub.
Virtualaz.org-un xəbərinə görə, Said Bayramov onunla birlikdə kirayədə yaşayan bacısı, 1977-ci il təvəllüdlü Xanım İslamovanı döş qəfəsindən bıçaqlayaraq qətlə yetirib. Daha sonra isə hadisə yerindən qaçıb.
İlkin ehtimala görə, qətlə səbəb bacı-qardaş arasında yaranmış şəxsi münasibətlər olub.
Yasamal Rayon Prokurorluğunda faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb, istintaq aparılır.
Yasamal Rayon Prokuroluğundan virtualaz.org-a verilən məlumata görə, S.Bayramov artıq həbs edilib. O, ilkin ifadəsində bacısını qısqanclıq zəminində öldürdüyünü etiraf edib.
İnarə Rafiqqızı
Virtualaz.org
* * *11:13
Bakıda 42 yaşlı qadın qardaşı tərəfindən öldürülüb.
“Report”un xəbərinə görə, Yasamal rayonunda 1976-cı il təvəllüdlü Xanım Bayramova kirayə yaşadığı evdə bıçaqlanaraq qətlə yetirilib.
Onu qətlə yetirən qardaşı, 1974-cü il təvəllüdlü Sədi Bayramov Xızı rayonunda saxlanılıb.
Fakt üzrə cinayət işi başlanıb, araşdırmalar davam etdirilir.