Cümə axşamı , Mart 28 2024
Ana səhifə / Kriminal / Az qala daha bir faciə olacaqdı… – İki qurumdan bir-birinə ittiham

Az qala daha bir faciə olacaqdı… – İki qurumdan bir-birinə ittiham

Bakı Nəqliyyat Agentliyi şlaqbaumun 160 nömrəli marşrut avtobusunun üzərində olması ilə bağlı sosial şəbəkələrdə yayılan video görüntülərə aydınlıq gətirib.

“Qafqazinfo” xəbər verir ki, qurumun mətbuat xidmətinin rəhbəri Masil Ağayevin sözlərinə görə, məsələ nəzarətə götürülüb və ciddi araşdırılıb. Aydın olub ki, sürücü Nicat Mahmudov dəmiryol keçidinə yaxınlaşarkən şlaqbaum açıq olub və işıqfor işləməyib (qırmızı işığı yanmayıb). Buna baxmayaraq sürücü qatarın gəldiyini bilərək avtobusu dayandırıb:

“Təqdim edilən video görüntüdən də aydın bilinir ki, şlaqbaum avtobus dayandıqdan sonra bağlanmağa başlayıb və nəticədə avtobusun üstündə qalıb.Yəni avtobus şlaqbaum bağlı olduğu halda keçidə daxil olsaydı, şlaqbaum avtobusun başının üstündə olmazdı. Video görüntünü paylaşan və izləyən şəxslər diqqətlə baxsalar, özləri də əslində məsələnin necə olduğunu anlayacaqlar”.

“Azərbaycan Dəmir Yolları” QSC-nin İctimaiyyətlə Əlaqələr şöbəsinin rəisi Sevinc Qədirovagörüntülərlə bağlı “Qafqazinfo”ya açıqlamasında hər hansı bir gecikmənin olmadığını, şlaqbaumun vaxtında bağlandığını bildirib:
“Qatar gələn zaman işıqforun qırmızı işığı yanıb sönür. Bu, xəbərdarlıqdır ki, şlaqbaum bağlanacaq artıq. Və ardından bir neçə saniyə sonra isə şlaqbaum bağlanır. Bizim əməkdaşlarımız həmin ərazidə olub test çəkiliş ediblər. Videodan da aydın olur ki, heç bir sürücü bu xəbərdarlığa məhəl qoymur. Noyabrın 17-də yaşanan hadisə də bu cür olub. Sürücü həyəcan siqnalına baxmayaraq tələsik keçmək istəyib və bu zaman şlaqbaum avtomatik bağlanıb. Nəticədə şlaqbaun avtobusun üzərinə düşüb. Burada hər hansı bir gecikmə halı yoxdur”.

 

 

Həmçinin oxuyun

3 azyaşlı uşaq anası məhkəmə zalında həbs edildi: əri ondan şikayətçi oldu

Bakının Qaradağ rayonu, Qızıldaş qəsəbəsində həyat yoldaşına balta ilə xəsarət yetirməkdə ittiham olunan Lalə İmaşova …