Şənbə , Noyabr 17 2018
Ana səhifə / Kriminal / “AMAY Abdullanın” bacısı oğlu sərhəddə narkotiklə tutuldu – FOTO

“AMAY Abdullanın” bacısı oğlu sərhəddə narkotiklə tutuldu – FOTO

Dövlət Sərhəd Xidməti tərəfindən dövlət sərhədinin etibarlı mühafizəsinin təmin edilməsi sahəsində əməliyyat-axtarış və sərhəd mühafizə tədbirləri davam etdirilir.

Xidmətin mətbuat katibliyindən AzNews.az -a verilən xəbərə görə, 2018-ci ilin 31 oktyabr tarixində Dövlət Sərhəd Xidməti əməkdaşlarının sayıqlığı və peşəkarlığı nəticəsində Azərbaycan Respublikasının Baş Prokuroru yanında Korrupsiyaya qarşı Mübarizə Baş İdarəsi tərəfindən AR-nın Cinayət Məcəlləsinin 179.3.1-ci və 179.3.2-ci maddələri ilə təqsirli bilinən, barəsində məhkəmə qərarı ilə həbs qətimkan tədbiri seçilmiş və axtarışda olan “AMAY” MMC tərəfindən İranda təsis edilmiş “Azər Caspian İran” şirkətinə məxsus müəs­sisə­lərə rəhbərlik edən 20.10.1976-cı il təvəllüdlü Bayramov Nizami İmran oğlu Yardımlı rayonu ərazisində İran İslam Republikasından Azərbaycan Respublikası istiqa­mə­tin­­də dövlət sərhədini pozarkən saxlanıl­ıb.

N.Bayramovun üzərinə baxış keçirilərkən 20 qram tiryək, “Nokia” markalı mobil telefon, 150 ABŞ dolları və 100 manat pul aşkar­lan­ıb.

Saxlanılan şəxsə həmin əməllərinə görə AR CM-nin 318.1-ci, 206.2-ci və 234.1-ci maddələri üzrə ittiham elan edilib.

Azinforum.az xatırladır ki, saxlanılan şəxs “Amay Abdulla” kimi tanınan iş adamının bacısı oğludur.

VIPedu.BIZ

Həmçinin oxuyun

Uşaqlar qapını kilidlədi – FHN gəlib AÇDI

Bakıda qapı kilidləndiyindən ikisi azyaşlı olmaqla 3 nəfər mənzildə köməksiz vəziyyətdə qalıb. FHN-dən Unikal.org-a verilən məlumata görə, Böhran …