Cümə axşamı , Noyabr 15 2018
Ana səhifə / Kriminal / 18 yaşlı həyat yoldaşını baltalamış Şəmkir sakini intihar edib

18 yaşlı həyat yoldaşını baltalamış Şəmkir sakini intihar edib

Şəmkir rayonunda həyat yoldaşına baltayla xəsarət yetirən ər intihar edib.

Rayon sakini, 1988-ci il təvəllüdlü Ələkbər Müzəffər oğlu Əliyev həyat yoldaşı, 2000-ci il təvəllüdlü Nərmin Mehdixanovaya baltayla xəsarət yetirdikdən sonra özünü asıb. Onun meyiti yaşadıqları evin həyətindəki xurma ağacından asılı vəziyyətə tapılıb.

Qeyd edək ki, N.Mehdixanova Gəncə şəhər Təcili Tibbi Yardım Xəstəxanasının travmatologiya şöbəsinə yerləşdirilib. Onun vəziyyətinin orta-ağır olaraq qaldığı bildirilir.

Faktla bağlı Şəmkir rayon Prokurorluğunda Cinayət Məcəlləsinin müvafiq maddəsi ilə cinayət işi açılıb, araşdırma aparılır.

*   *   *23:16 (7 noyabr)

Şəmkirdə ər həyat yoldaşını baltalayıb.

“Report”un verdiyi məlumata görə, hadisə rayonun Aşağı Seyfəli kəndində qeydə alınıb.

Kənd sakini, 1988-ci il təvəllüdlü Əliyev Ələkbər Müzəffər oğlu balta ilə həyat yoldaşı, 2000-ci il təvəllüdlü Mehdixanova Nərmin Famil qızının baş nahiyəsinə bir neçə zərbə endirərək, ona ağır xəsarət yetirib. Qadın xəstəxanaya yerləşdirilib. Onun vəziyyətinin orta-ağır olduğu bildirilir.

İlkin məlumatlara görə, N.Mehdixanova ilə Ə. Əliyev yeni ailə qurublar. Hadisənin başvermə səbəbi hələ məlum deyil.

Faktla bağlı araşdırma aparılır.

VIPedu.BIZ

Həmçinin oxuyun

“Gəlinin qızıllarını satıb xərçəng xəstəsi oğluma dərman almışdım, yandı…”

Xəbər verildiyi kimi ötən gün Binəqədi rayonu, Rəsulzadə qəsəbəsində Ramiz Aboyev adına mədəniyyət və istirahət …