Bazar ertəsi , Oktyabr 22 2018
Ana səhifə / İqtisadiyyat / Rövnəq Abdullayev: Azərbaycan qazının Avropaya nəqli Türkiyənin mövqeyini gücləndirəcək

Rövnəq Abdullayev: Azərbaycan qazının Avropaya nəqli Türkiyənin mövqeyini gücləndirəcək

Azərbaycan qazının birbaşa Avropa bazarlarına nəqli Türkiyənin geostrateji mövqeyini gücləndirəcək və ölkəni mühüm enerji mərkəzinə çevirəcək.

Bunu SOCAR prezidenti və TANAP İdarə Heyətinin sədri Rövnəq Abdullayev Əskişəhərdə keçirilən TANAP layihəsinin açılış mərasimində çıxışı zamanı deyib.

R.Abdullayev TANAP-ın Azərbaycan və Türkiyə arasında tarixi dostluq və qardaşlıq əlaqələrini daha da gücləndirdiyini vurğulayıb: “Türkiyəyə və qardaş ölkənin iqtisadiyyatına həmişə etibar etmişik. Bu gün açılışını həyata keçirdiyimiz TANAP bu güvənin arxasında dayanan dostluq və əməkdaşlığımızın mühüm bir təzahürü kimi fəaliyyətə başlayır. Əminəm ki, TANAP Türkiyə və Azərbaycanın iqtisadi inkişafını daha da sürətləndirəcək və hər iki ölkənin enerji təhlükəsizliyinə böyük töhfə verəcək. Azərbaycan qazının birbaşa Avropa bazarlarına nəqli Türkiyənin geostrateji mövqeyini gücləndirəcək və ölkəni mühüm enerji mərkəzinə çevirəcək. Bu münasibətlə Türkiyə və Azərbaycan rəsmilərinə, layihənin inşasında səylə çalışan bütün əməkdaşlarımıza xüsusi təşəkkürümü bildirirəm”.

 

Həmçinin oxuyun

“Aİ-92” markalı benzin ucuzlaşacaq? – Ekspertdən rəy

Azərbaycanda 92 (“Aİ-92”) oktanlı benzin idxalı müvəqqəti olaraq gömrük rüsumlarından azad edilib. Müvafiq qərar Azərbaycan …