Şənbə , Fevral 23 2019
Ana səhifə / İqtisadiyyat / “Məzənnə gah 70-ə qalxır, gah da 65-ə qədər düşür” – Araz Ağalarov

“Məzənnə gah 70-ə qalxır, gah da 65-ə qədər düşür” – Araz Ağalarov

Rusiyada fəaliyyət göstərən “Levada” ictimai rəyi öyrənmə mərkəzi ölkənin düzgün istiqamətdə getmədiyini düşünən vətəndaşların sayının 2019-cu ilin yanvarında 42 faizdən 45 faizə qədər yüksəldiyinə dair hesabat hazırlayıb. Qeyd olunur ki, mövcud hal sonuncu dəfə 2006-cı ildə müşahidə olunub.

“Qafqazinfo” xəbər verir ki, “Komsomolskaya pravda” qəzeti mövcud vəziyyəti azərbaycanlı biznesmen, “Krokus” şirkətinin prezidenti Araz Ağalarovla müzakirə edib.

İş adamı bildirib ki, iqtisadi problemlərin həlli yolunda hazırda hansısa radikal dəyişikliklər təklif etmək lazım deyil:REKLAM

“İstənilən iqtisadiyyatın əsasını stabillik təşkil edir. Siz daim dəyişən parametrlərlə üzləşirsinizsə, heç vaxt heç nəyi proqnozlaşdıra və ya layihələşdirə bilməyəcəksiniz. İstənilən stabilliyin əsası isə milli valyutanın məzənnəsidir. Bizdə isə bununla bağlı daim dəyişikliklər baş verir. Məzənnə gah 70-ə qalxır, gah da 65-ə qədər düşür. Mən demirəm ki, məzənnə konkret necə olmalıdır, əsas odur ki, stabil olsun. Kursun tam olaraq nə olduğunu söyləyə bilmərəm – ən başlıcası, sabit olmalıdır. Budur, hazırda 1 dollar 66 rubl ətrafında tərəddüd edir. Və hər gün yarım faiz qalxır və düşür. Niyə?

Bizim müsbət ticarət balansımız var. Hər gün valyuta birjasında valyuta alacağıq. Bunu rubl məzənnəsinin sabitliyini nəzərə alaraq edə bilərsiniz. İndi isə maaşlar daim dəyərdən düşən rublun arxasınca yetişə bilmir. Ötən il rubl 15 faizdən çox dəyərdən düşüb. Və bütün bunlar neqativ əhval-ruhiyyəyə gətirib çıxarır”.

A. Ağalarov hər il eyni mənzərə ilə rastlaşdıqlarını, rublun dekabrda dəyərdən düşdüyünü, Yeni ilin ilk günlərində isə bir qədər qalxdığını söyləyib:

“Növbəti ilin sonunda eyni hal olacaq. Bütün bunlar proqnozlaşdırılıb. Bizim qızıl ehtiyatlarında 470 milyard dollar var. İl sonunda rubl artmağa çalışanda, bunu saxlamaq lazımdır. Çox təəssüf ki, bunu heç kim etməyəcək”.

Həmçinin oxuyun

Vergi daxilolmalarının 74,6 faizi özəl sektorun payına düşüb

Ötən il vergilər üzrə büdcəyə toplanmış vəsaitin məbləği artaraq 7 milyard 415 milyon 463 min …