Bazar ertəsi , Dekabr 17 2018
Ana səhifə / İqtisadiyyat / İnam Kərimovun qardaşının ƏƏSMN-dəki islahatları – Yeni nazir daşları yerindən oynadır, amma…

İnam Kərimovun qardaşının ƏƏSMN-dəki islahatları – Yeni nazir daşları yerindən oynadır, amma…

Əmək və Əhalinin Sosial Müdafiə Nazirliyində aparılan kadr islahatlarının arxasında kim dayanır?

Əmək və Əhalinin Sosial Müdafiə Nazirliyində xaoc və dərəbəylik yaranmaqdadır və bu xaosun əsasını qoyan isə nazir müavini Mətin Kərimlidir. Hazırda nazirlikdə hər şey Mətin Kərimlinin iradəsi əsasında baş verir. Sahil Babayevin əmək və əhalinin sosial müdafiə naziri təyinatından sonra bu nazirlik tamailə nazir müavini Mətin Kərimlinin idarəsinə keçib. Bu baraədə MilliYol-a daxil olan məlumatda bildirilir ki, sosial müdafiə sahəsində təcrübəyə malik digər nazir müavinləri İlqar Rəhimov, İdris İsayev və Natiq Məmmədov isə oyundankənar vəziyyətdə qalıblar. Onların hər hansı məsələyə nüfuz etmək imkanları isə yoxdur. Sahə üzrə heç bir təcrübəsi olmayan Sahil Babayev nazirliyin bütün səlahiyyətlərini öz müavini, kənd təsərrüfatı naziri İman Kərimovun qardaşı Mətin Kərimliyə həvalə edib. Lakin 2014-cü ildən ƏƏSMN-də nazir müavini olmasına baxmayaraq, Mətin Kərimlinin də sosial müdafiə sahəsi üzrə təcrübəsi yoxdur, ya da çox aşağə səviyyədədir.

Qeyd edək ki, Əmək və Əhalinin Sosial Müdafiəsi naziri Sahil Babayev son 2 həftə ərzində kütləvi şəkildə kadr islahatı həyata keçirib. İşdən çıxarılanlar arasında şöbə müdirləri, nazirliyin Aparat rəhbəri, Nazirliyin mətbuat xidmətinin rəhbəri, DSMF-nin direktor müavini və s. aparıcı vəzifə sahibləri olub. Müşahidəçilərin fikrincə ən sürətli kadr islahatları da məhz ƏƏSMN-də həyata keçirilir. Lakin həyata keçirilən kadr islahatının qüsurlu olduğu və daha çox peşəkarlara qarşı çevrildiyi də nazirlikdə təşvişlə izlənilir. Nazirlikdəki mənbənin MilliYol-a vediyi məlumata görə, hazırda Nazirlikdə xaos yaşanır.

MilliYol-a daxil olan məlimatda bildirilir ki, Əmək və Əhalinin Sosial Müdafiə Nazirliyində aparılan kadr islahatlarının arxasında nazir müavini Mətin Kərimli dayanır. Belə ki bu sahəyə yad olan və tamamilə başqa sahədə çalışmış yeni nazir Sahil Babayev özünün müavini Mətin Kərimlinin diktəsi ilə bu islahatları həyata keçirməkdədir. Hazırda isə vəzifəsini qoruyub saxlamağa çalışan hər kəs Mətin Kərimliyə yol tapmaq və vəzifəsində qalmaq üçün Mətin Kərimlini razı salmağa çalışır. Hazırda gedən prosseslər nazirlikdə hamının əlinin işdən soyumasına səbəb olmaqla yanaşı, həm də nazirlikdə xaosun yaranmasına səbəb olub. Çünki digər nazir müavinləri heç bir məsələyə nüfuz edə bilmirlər və bu da Nazirliyin iş prinsipinin pozulmasına səbəb olub. Nazirdən aldığı sonsuz səlahiyyətlərlə isə Mətin Kərimli keçmiş nazir Səlim Müslümovun vaxtında onunla hesablaşmayan kadrları peşəkar olub-olmamasına baxmayaraq, işdən kənarlaşdırmaq üçün müxtəlif yollardan istifadə edir.

Qeyd edək ki Mətin Kərimlinin qardaşı, kənd təsərrüffatı naziri İnam Kərimov Sahil Babayevlə bir yerdə təhsil alıb. Onların hakimiyyətin zirvəsindəki hamiləri də eyni şəxsdir. Hazırda Mətin Kərimlinin ƏƏSMN-də külli ixtiyar sahibinin olması İnam Kərimovla Sahil Babayevin dostluq tellərinə bağlansa da Mətin Kərimli 2014-cü ildə Səlim Müslümovun müavini təyin olunub. Onun müavin təyin olunmasında əsas məqsəd isə ölkənin sosial müdafiə sisteminin elektonlaşdırılması olub. Yəni İman Kərimovun ASAN Xidmətdə gördüyü böyük işləri qardaşı Mətin Kərimli ƏƏSMN-də həyata keçirməliydi. Lakin ASAN Xidmət özünü nə qədər doğrultsa da, Mətin Kərimlinin Elnur Məcidovla birlikdə ƏƏSMN-də yaratdığı VEMTAS sistemi gözləntiləri doğrultmayıb. Artıq mətbauatda da qeyd olunduğu kimi bu sitem ƏƏSMN-də korrupsiyanın daha da böyüməsinə səbəb olub.

Xatırladaq ki, 2016-cı ilin mart ayında Səlim Müslümovun böyük “islahatı” kimi dəyərləndirilən ünvanlı sosial yardım sistemində VEMTAS deyilən elektron müraciət sistemi ortaya çıxdı. O sistemdən xəbəri olanlar isə bilir ki, VEMTAS Nazirlikdə oturanlar tərəfindən idarə edilib, istədikləri adama asanlıqla yardım təyin edə biliblər. 2016-cı ilin mart ayından ötən dövr ərzində bu sehrli VEMTAS sistemi ilə ünvanlı sosial yardım əvvəllər olduğu kimi müvafiq kriteriyalara uyğun gəlməyən şəxslərə verilib, əksinə ehtyac içində yaşayan xeyli ailə dövlət başçısından narazı salınıb. Həmin ailələr birmənalı olaraq ünvanı yardıma yaxın düşə bilmirlər. Bir şey ki, hətta əli-ayağə yox I qrup əlil ailələri belə onu əldə edə bilmir, o halda sual yaranır: onda bəs ünvanlı sosial yardım kimlər üçün nəzərdə tutulub? Budur Səlim Müslümovun rəhbərliyi altında Mətin Kərimlinin həyata keçirdiyi “misilsiz islahatının” nəticəsi.

Onu da qeyd edək ki, Mətin Kərimlinin çox maraqlı və hətta çoxlarının qibtə edəsi karyera tarixçəsi var. 1979-cu ildə anadan olan Kərimli 1999-cu ildə Bakı Dövlət Universitetini beynəlxalq əlaqələr üzrə bakalavr dərəcəsi ilə bitirib. 2000-2001-ci illərdə Strasburq Universitetində (Fransa) Avropa elmləri üzrə fənlərarası diplom, 2001-2002-ci illərdə Avropa elmləri üzrə magistr dərəcəsi alıb.

2003-2004-cü illərdə Azərbaycan Respublikasının Silahlı Qüvvələrində hərbi xidmət keçmiş və hazırda ehtiyatda olan baş leytenantdır. 2005-ci ilin may-iyul aylarında C.Marşal Avropa Elmləri Mərkəzində (Almaniya) Ali Təhlükəsizlik Elmləri üzrə Liderlər Proqramında təhsil alıb, 2006-cı ilin yanvar-avqust aylarında NATO Müdafiə Kollecində ali kursu bitirib. 2017-2018-ci illərdə Bakı Ali Neft Məktəbinin ABŞ-ın Corc Vaşinqton Universiteti ilə birgə təşkil etdiyi proqramda iştirak edərək Layihə Menecmenti üzrə Master Sertifikatı alıb. Eyni zamanda, 2018-ci ilin yanvar ayında ABŞ-ın Layihə Menecmenti İnstitutunun “Project Management Proffessional” beynəlxalq sertifikasiyasından keçib.

1998-1999-cu illərdə Azərbaycan Gənclər Təşkilatları Milli Şurasının vitse-prezidenti, 2003-2004-cü illərdə həqiqi hərbi xidmətdə olmuş, 2005-2008-ci illərdə Azərbaycan Respublikası Xarici İşlər Nazirliyinin Təhlükəsizlik problemləri idarəsində referent, 2008-2009-cu illərdə NATO-nun Müdafiə siyasəti və planlaşdırma idarəsinin beynəlxalq katibliyində tərəfdaşlıq zabiti, 2009-2011-ci illərdə Azərbaycan Respublikasının NATO yanında Nümayəndəliyində ikinci katib, 2011-ci ilin mart-iyun aylarında Azərbaycan Respublikası Xarici İşlər Nazirliyinin Təhlükəsizlik problemləri idarəsinin ikinci katibi, 2012-ci ilin iyun ayından bu vaxta qədər isə Azərbaycan Respublikası Vergilər Nazirliyininin Beynəlxalq münasibətlər idarəsinin rəisi vəzifələrində çalışıb.

Azərbaycan Respublikası Prezidentinin 2014-cü il 20 fevral tarixli 280 nömrəli Sərəncamı ilə Azərbaycan Respublikasının əmək və əhalinin sosial müdafiəsi nazirinin müavini təyin edilib.

Burdan da göründüyü kimi, Mətin Kərinmli sosial müdafiə sahəsinə bağlı adam olmayıb və bu sahədə iş təcrübəsinə də malik deyil. Son dəyişikliklərdən sonra mövqelərini gücləndirən nazir müavini hazırda ƏƏSMN-də bütün proseslərə nəzarət etməkdədir. Hazırda nazirliyin aparatında qalıb işləmək istəyən şəxs mütləq nazir İnam Kərimovun qardaşı Mətin Kərimli ilə dil tapmalıdır. Və yaranmış bu vəziyyət peşəkarların nazirlikdəki mövqelərini tamatmilə sarsıtmaqdadır.

Qarşı tərəfin mövqeyini dinləməyə hazırıq.

VIPedu.BIZ

Həmçinin oxuyun

Azərbaycan hərbi məhsul ixracını 9,2 faiz artırıb

2017-ci il ilə müqayisədə Azərbaycan ölkə daxilində istehsal olunan hərbi təyinatlı məhsulların xarici dövlətlərə ixracını …