Cümə axşamı , Noyabr 15 2018
Ana səhifə / İqtisadiyyat / Hasilat Sənayesində Şəffaflıq üzrə Komissiya toplandı

Hasilat Sənayesində Şəffaflıq üzrə Komissiya toplandı

Azərbaycan Dövlət Neft Fondunda vətəndaş cəmiyyəti və ölkədə fəaliyyət göstərən hasilat şirkətlərinin nümayəndələrinin iştirakı ilə Hasilat Sənayesində Şəffaflıq (HSŞ) üzrə Komissiyanın növbəti iclası keçirilib.
Fonddan verilən məlumata görə, iclasda 2017-ci il üzrə HSŞ Hesabatının layihəsi iştirakçılara təqdim edilib.

Hesabatda Azərbaycan dövlətinin hasilat sənayesi şirkətlərindən əldə etdiyi gəlirlər və hasilat şirkətlərinin dövlətə ödənişlərinin üzləşdirilməsi ilə yanaşı, ölkənin hasilat sənayesinə dair digər əhəmiyyətli məlumatlar, o cümlədən hasilat sahəsində dövlət şirkətlərinin fəaliyyəti barədə məlumatlar öz əksini tapıb.

Eyni zamanda, Benefisiar Sahiblik məlumatlarının açıqlanması üzrə layihənin icrası, HSŞ-nin dövlət qurumlarının gündəlik işinə inteqrasiyası (EIT Mainstreaming) məsələləri müzakirə olunub.

İclasda vətəndaş cəmiyyəti nümayəndələri tərəfindən Hasilat Sənayesində Şəffaflıq hesabatlılığının “Azərbaycan standartı”nın hazırlanması üzrə layihə, vətəndaş cəmiyyəti institutlarının HSŞ sisteminin yaradılması və tətbiq edilməsində iştirak səviyyəsinin müəyyənləşdirilməsi, eyni zamanda şirkətlər tərəfindən hökumətə edilən neft, qaz və digər hasilat ödəmələri, eləcə də hökumətin şirkətlərdən aldığı bütün mövcud gəlirlər haqqında açıqlama və hesabatların 5 aprel 2017-ci il Fərmanından irəli gələn prinsip və meyarlara uyğunluğunun təhlili üzrə təqdimatlar edilib.

VIPedu.BIZ

Həmçinin oxuyun

Azərbaycan 2019-cu uldə 25 ixrac missiyası təşkil etməyi planlaşdırır

2019-cu uldə Azərbaycanda İxracın və İnvestisiyaların Təşviqi Fondunun (AZPROMO) xətti ilə 25 ixrac missiyası planlaşdırılıb. …