“Ermənistana barış əlimi uzatdım, əlimiz havada qaldı”

Astanada səfərə olan Türkiyə prezidenti Rəcəb Tayyib Ərdoğan Ermənistana mesaj göndərib.

“Qafqazinfo” Türkiyə KİV-nə istinadən xəbər verir ki, Ərdoğan Nursultan Nazarbayevlə birgə təşkil edilən mətbuat konfransında Avropa Parlamentində qondarma soyqırımla bağlı qəbul edilən qərarın heç bir hökmünün olmadığını vurğulayıb:

“Aprelin 23-də Ermənistana barış əlimi uzatdım, amma əlimiz havada qaldı. Buradan ermənilərə dostluq çağırışımı təkrar edirəm ki, gəlin tarixi tarixçilərə buraxaq. Ortaq mənfəətlər işığında özümüzə yeni bir gələcək quraq”.