Çərşənbə , Sentyabr 26 2018
Ana səhifə / İdman / Gömrükçülərimiz Ermənistan komandasını darmadağın etdi

Gömrükçülərimiz Ermənistan komandasını darmadağın etdi

Belarusun Brest şəhərində gömrük xidmətləri arasında keçirilən 12-ci beynəlxalq mini-futbol turnirində Azərbaycan gömrükçülərinin növbəti görüşü bu gün Ermənistan komandası ilə baş tutub.

Dövlət Gömrük Komitəsindən verilən məlumata görə, komitənin komandası oyunu rəqibindən aşkar üstün şəraitdə keçirərək 4:0 hesabı ilə qalib gəlib.

Qollardan ikisini Renat Sultanov vurub. Kamil Hacıyev və Samir Məmmədov isə rəqib qapısından hərəyə bir top keçirib.

Bununla da komandamız turnirdə ilk qələbəsini qazanıb.

Qeyd edək ki, Azərbaycan gömrükçüləri bundan öncəki oyunlarda uğur qazana bilməyib. Sentyabrın 10-da Rusiya, sentyabrın 11-də isə Belarus komandası ilə görüşlərin hər birində komandamız 1:2 hesabı ilə məğlub olub.

Gömrükçülərimiz növbəti görüşləri sentyabrın 13-də Ukrayna, sentyabrın 14-də isə Belarus komandasına qarşı keçirəcək.

Turnirə 5 ölkə – Azərbaycan, Belarus, Ukrayna, Rusiya və Ermənistan komandaları qatılıb. Yarışda Belarusdan iki komanda daxil olmaqla, cəmi 6 komanda iştirak edir.

Sentyabrın 10-dan start götürən yarışa ayın 14-də yekun vurulacaq.

Gömrükçülərimiz Ermənistan komandasını darmadağın etdi
Gömrükçülərimiz Ermənistan komandasını darmadağın etdi

Həmçinin oxuyun

Azərbaycanlı pəhləvanlar Rusiyanı heyran qoydular – VİDEO

Rusiyanın Birinci kanalının efirində yayımlanan talant şousu “Я могу!”nun (Mən bacararam) budəfəki iştirakçıları azərbaycanlı pəhləvanlar …