Bir neçə gündür ki, Xocalı soyqırımının 26-cı ildönümü münasibətilə Qazax rayonunda keçirilən tədbirdə Rayon İcra Hakimiyyətinin başçısı Rəcəb Babaşovun başı üzərində çətir tutdurması ilə bağlı hadisə sosial şəbəkə istifadəçiləri və KİV-lərin tənqid obyektinə çevrilib. Bəzi KİV-lər icra başçısının başının üstündə çətir tutan şəxsin onun mühafizəçisi olduğu qeyd edilir. Ancaq Azinforum.az saytının apardığı araşdırmadan sonra məlum olub ki, icra başçısına bu “nəcib” jesti edən şəxsin özü də dövlət qulluqcusudur və birbaşa Rəcəb Babaşovun rəhbərliyi altında çalışır. Məlum olub ki, çətiri tutan şəxs Ərazi idarəetmə və yerli özünüidarəetmə orqanları ilə iş şöbəsinin müdiri Vəliyev Adil Seyfəddin oğludur.
Hüseyn,
Azinforum.az