Çərşənbə , Fevral 20 2019
Ana səhifə / Gündəm / Xidmət rəisi: “Cavablandırmadığım müraciətlər üçün də üzr istəyirəm…”

Xidmət rəisi: “Cavablandırmadığım müraciətlər üçün də üzr istəyirəm…”

“Facebook hesabımı yalnız özüm idarə edirəm”.

“Report” xəbər verir ki, bunu Dövlət Miqrasiya Xidmətinin (DMX) rəisi Vüsal Hüseynov “ASAN Radio”nun efirində deyib.

O bildirib ki, facebook səhifəsinə gələn sual və müraciətlərin sayı çox olur: “Cavablarım adətən qısa olur. Müraciətlər Dövlət Miqrasiya Xidmətinin fəaliyyəti ilə bağlı olduqda araşdırılması üçün müvafiq şöbəyə yönləndirirəm. Çalışıram ki, heç bir müraciət cavabsız qalmasın. Bəzən müəyyən mesaj və şərhlərə cavab gecikə bilər, amma çalışıram müraciətlərin hamısını cavablandıram. Cavablandırmadığım müraciətlər üçün də üzr istəyirəm, qətiyyən bunu diqqətsizlik hesab etməsinlər, belə hallar iş yükü ilə bağlı olur”.

V.Hüseynov xatırladıb ki, o millət vəkili olduğu dövrdə də bütün məlumat və yenilikləri öz sosial media hesabında paylaşıb: “İndi də imkan olduqca hesabımda Dövlət Miqrasiya Xidmətinin fəaliyyəti ilə bağlı məlumatlanmanı artırmaq üçün paylaşımlar edirəm. Orda müəyyən bir izləyici kütləm formalaşıb. Hesab edirəm ki, sosial media vasitəsi ilə məlumatlandırma çox effektiv bir metoddur”.

Həmçinin oxuyun

Habil Məmmədovla bağlı gizli faktlar üzə çıxdı: o, ayda 120 min manat…

Vergilər Nazirinin sabiq müşaviri, hazırda Əmanətlərin Sığortalanması Fondunun icraçı direktorunun müşaviri vəzifəsində işləyən Habil Məmmədovla …