Məcburi olaraq Afrini tərk edərək Türkiyəyə yerləşmiş suriyalı qaçqınlar evlərinə qayıtmağa başlayıb.
Trend-in məlumatına görə, bu barədə Türkiyə Silahlı Qüvvələri (SQ) Baş Qərargahının başçısı Hulusi Akar bildirib.
Bildirilir ki, Türkiyə Silahlı Qüvvələri “Zeytun budağı” əməliyyatı çərçivəsində dinc sakinlərin heç bir zərər görməmələrinə xüsusi diqqət ayırıb.
Xatırladaq ki, yanvarın 20-də Türkiyə Silahlı Qüvvələri Suriyanın Afrin bölgəsində PYD, YPG və İŞİD terrorçularına qarşı əməliyyata başlayıb. “Zeytun budağı” adı altında keçirilən əməliyyatlara Türkiyə Hərbi Hava Qüvvələrinin “F-16” təyyarələri də cəlb olunub.