“Yüzminlərlə suriyalı qaçqın Türkiyədə kiçik sahibkarlıqla məşğul olur”
“Report” xəbər verir ki, bunu Türkiyənin Baş Ombudsmanı Şefer Malkoç “Hüquq bərabərliyinin təmin olunmasında və təşviqində milli insan hüquqları təsisatlarının rolu” mövzusunda Ombudsmanların XV Bakı Beynəlxalq Konfransında deyib.
O bildirib ki, qaçqınların 8 faizi kamplarda, digər hissəsi isə xalqın arasında yaşayır: “Türkiyə Suriyalı qaçqınlara qapı açmasa idi Avropa fəlakətə məruz qalardı. Çünki Avropa bu qədər köçkünü qəbul edə bilməzdi”.
Ş.Malkoç qeyd edib ki, hazırda 700 min Suriyalı qaçqın uşaq Türkiyə məktəblərində təhsil alır: “Türkiyə bu günədək Suriyalı qaçqın və məcburi köçkünlərə 30 milyard dollardan çox pul xərcləyib.
Hazırda yüzminlərlə suriyalı qaçqın Türkiyədə kiçik sahibkarlıqla məşğul olur”.