Cümə axşamı , Mart 28 2024
Ana səhifə / Dünya / “Palmali” Rusiyada rəsmən müflis elan edildi

“Palmali” Rusiyada rəsmən müflis elan edildi

Rusiyanın Rostov əyalətinin Arbitraj məhkəməsi “Palmali” şirkətini müflis elan edib. 

“Qafqazinfo” Rusiya KİV-nə istinadən xəbər verir ki, şirkət altı ay davam edəcək iflas proseduruna başlayıb.

Qeyd edək ki, “Palmali” əsas kreditoru olan “Sberbank”a 13 milyard rubl (təxminən 335 milyon manat) borcludur.

Bundan başqa, digər kreditorlar arasında Mübariz Mənsimova məxsus Maltada qeydiyyatdan keçən “Palmali Holding”, Vest-İndiyadakı “Palmali Şipping”, Türkiyədəki “Palmali Gemicilik ve Acentelik” də var. Həmin şirkətlərin iddiaları 6 milyard rublu keçir.

Borclu şirkətə qarşı tələb irəli sürənlər arasında “Alyans”, “Azov-Flot-Servis”, “Arsenal” sığorta şirkəti, həmçinin “YuqBunkerServis-Rostov” yanacaq şirkəti də var.

Qeyd edək ki, “Palmali”nin direktoru 17,5 milyon rublluq vergidən yayınmada ittiham olunur.

 

Həmçinin oxuyun

3 uşaq anası 9 saatlıq əməliyyatdan sonra vəfat etdi – Azərbaycanlı həkim ittiham edilir

Türkiyədə qadın əməliyyatdan sonra ölüb. Hadisə Kayseri şəhərində yerləşən özəl xəstəxanalardan birində qeydə alınıb. 3 …