Çərşənbə axşamı , Mart 19 2024
Ana səhifə / Dünya / Makedoniyanın adı rəsmən dəyişdi – Fotolar

Makedoniyanın adı rəsmən dəyişdi – Fotolar

Yunanıstan ve Makedoniya arasında davam edən 27 illik problem öz həllini tapıb.

“Qafqazinfo” xarici KİV-ə istinadən xəbər verir ki, iki dövlət “Ad problemi” ilə bağlı məsələnin həllinə dair tarixi razılaşmaya imza atıb.

Belə ki, Yunanıstanın xarici işlər naziri Nikos Kasiyas və Makedoniyanın xarici işlər naziri Nikola Dimitrov iki ölkənin sərhədində yerləşən Prespa gölü yaxınlığındakı Psarades kəndində təşkil edilən mərasimdə razılaşmanı imzalayıblar.

Razılaşmaya əsasən, Makedoniya dövlətinin adı Şimali Makedoniya Cümhuriyyəti olaraq dəyişdirilib. Bundan sonra Avropa İttifaqına və NATO-ya üzvlüyünə əngəl yaradan amillərin aradan qaldırılması gözlənilir.

Qeyd edək ki, mərasimdə Yunanıstan Baş naziri Aleksis Çipras, Şimali Makedoniya Cümhuriyyətinin Baş naziri Zoran Zayev, Avropa İttifaqının (Aİ) Xarici Əlaqələr və Təhlükəsizlik Siyasəti üzrə ali nümayəndəsi Federika Mogerini, BMT-nin xüsusi təmsilçisi Metyu Nimets və digər rəsmilər də iştirak ediblər.


Həmçinin oxuyun

Putin: Navalnını Qərb ölkələrində saxlanılan rusiyalılarla dəyişməyə razılaşmışdım, amma o öldü

Rusiya Prezidenti Vladimir Putin həbsxanada vəfat edən Aleksey Navalnın mübadiləsinə razılıq verdiyini söyləyib. Bu barədə …