Ana səhifə / Cəmiyyət / Ədliyyə Nazirliyinin təşəbbüsü ilə Nəsimi rayonunda Azərbaycan Xalq Cumhuriyyətinin 100 illiyi münasibəti ilə tədbir keçirildi

Ədliyyə Nazirliyinin təşəbbüsü ilə Nəsimi rayonunda Azərbaycan Xalq Cumhuriyyətinin 100 illiyi münasibəti ilə tədbir keçirildi

Silsilə tədbirlər çərçivəsində  Rayon İcra Hakimiyyətinin inzibati binasında Azərbaycan  Respublikasının Ədliyyə Nazirliyinin təşəbbüsü ilə Xalq Cumhuriyyətinin 100 illiyi münasibəti ilə  “Möhkəm təməllər üzərində sağlam ailə mühitinin formalaşması” mövzusunda dəyirmi masa keçirilmişdir.

Dəyirmi masada gənclər, yeni ailə qurmuş cütlüklər, 40-50 il birgə ömür sürmüş nümunəvi ailələr iştirak etmişlər.

Dəyirmi masanı giriş sözü ilə açan Nəsimi rayon İcra Hakimiyyəti Başçısının birinci müavini Gülarə Verdiyeva Azərbaycan  Xalq Cumhuriyyətinin 100 illiyi münasibəti ilə əlaqədar rayonda keçirilən silsilə tədbirlər barədə iştirakçilara məlumat verərək bildirdi ki, milli- mənəvi dəyərlərimizin qorunması istiqamətində aparılan işlər dövlətimizin prioritet vəzifələrindən biridir. Bu istiqamətdə dövlətimiz tərəfindən çoxşaxəli tədbirlər keçirilir, ölkə Prezidenti cənab İlham Əliyev tərəfindən daim müxtəlif Sərəncamlar imzalanır, aidiyyatı qurumlara tapşırıqlar verilir. Dövlətimiz tərəfindən gənc ailələrin mənzillə təminatı istiqamətində gerçəkləşdirilən layihələr gənc Azərbaycan ailələrinin möhkəmləndirilməsinə böyük tövhə verəcəkdir. Nəzərə alsaq ki, hər bir ailə dövlətin sosial dayağıdır, odur ki,  bu dayağın qorunub-saxlanılması daim nəzarətdə saxlanılmalıdır.

Gülarə Verdiyeva çıxışına davam edərək bildirdi ki, ailə möhkəm təməl üzərində qurulmalıdır. Azərbaycan Respublikasının Konstitusiyasında qeyd edilir ki, cəmiyyətin əsas özəyi kimi ailə dövlətin xüsusi himayəsindədir. Uşaqların qayğısına qalmaq və onları tərbiyə etmək valideynlərin borcudur. Bu borcun yerinə yetirilməsinə dövlət nəzarət edir. Vətəndaşların digər hüquq və vəzifələri ilə yanaşı onların nikah hüququ da Konstitusiyada öz əksini tapıbdır. Konstitusiyamızın 34-cü maddəsində qeyd olunur ki, hər kəsin qanunla nəzərdə tutulmuş yaşa çatdıqda ailə qurmaq hüququ vardır.

Ölkə başçısı cənab İlham Əliyevin və Azərbaycan Respublikasının Birinci Vitse-prezidenti Mehriban xanım Əliyevanın hər bir vətəndaşa, ailəyə , uşağa,  diqqət və qayğısı cəmiyyət həyatında əsas rol oynayan hər bir ailənin möhkəmləndirilməsində mühüm əhəmiyyət daşıyır.

Gənc ailələrin uzun müddət ailə təcrübəsi olan ahıl vətəndaşların xeyir-duasına və dəyərli məsləhətlərinə ehtiyacının olmasını nəzərə alaraq bu günki tədbirimizə bir qrup belə ailələri dəvət etmişik.

Ədliyyə Nazirliyinin Vətəndaşlıq Vəziyyəti Aktlarının Reyestr Xidmətinin rəisi Reyhanə Kərimova çıxış edərək bildirdi ki, bü yöndə keçirilən belə tədbirlərin , gənc ailələrin möhkəmlənməsində xüsusi əhəmiyyəti vardır. Azərbaycanda ailə institutunun sütunlar böyüyə hörmət, ailə başçısına sədaqət , qarşılıqlı sevgi və digər dəyərlərə söykənir. Amma dəyişən zaman, müasir inkişaf, qloballaşma, heç şübhəsiz, kiçik dövlət modeli sayıla biləcək Azərbaycan ailələrinə  də öz təsirini göstərib. Bir həqiqət vardır ki,bu gün bütün dünyada boşanmaların sayı çoxalmışdır. Bunun əsas səbəblərindən biri də gənc cütlüklərin əsl ailə barədə biliklərinin olmamasıdır. Həmçinin ailələrin dağılmasına səbəb olan amillərin biri də gənc ailələrə kənar müdaxilələrin olmasıdır. Sosial dayağımız olan gənc ailələrin qorunması üçün hər birimiz üzərimizə düşən vəzifələri layiqincə yerinə yetirməliyik. Reyhanə Kərimova çıxışına davam edərək bildirdi ki,  Xalq Cumhuriyyətinin 100 illiyi münasibəti ilə  silsilə tədbirlərin davamı olaraq bu yöndə keçirilən tədbirlər, yeni ailə quracaq cütlüklərin gələcək ailələrin möhkəmləndirilməsi istiqamətində mühüm əhəmiyyəti vardır.Gələcəkdə belə tədbirlərin davamlı olaraq keçirilməsi məqsədəuyğun olardı.

Azərbaycan Respublikası Vəkillər Kollegiyasının Rəyasət Heyətinin üzvü Sima Yaqubova çıxış edərək bildirdi ki, ailə dövlətin özəyidir. Hər bir cəmiyyətdə  ailə münasibətləri necə formalaşırsa həmin cəmiyyətdəki ictimai münasibətlər də ailədə formalaşan ictimai münasibətləri özündə əks etdirir. Ailədə formalaşan münasibətlərlə cəmiyyətdəki münasibətlər arasında dialektik bağlılıq var.

Ədliyyə Nazirliyi tərəfindən Qeydiyyat şöbələrinə cəlb olunmuş psixoloq Yeganə Özçələbi çıxış edərək Azərbaycan ailələrinin dağılmasının səbələri barədə öz fikirlərini bildirdirərək qeyd etdi ki,  ailələrin möhkəmlənməsində milli-mənəvi dəyərlrimizin qorunmasının mühüm yeri vardır. Odur ki,  yeni ailə quran cütlüklərlə 40-50 il birgə ailə həyatı sürmüş cütlüklərin eyni tədbirdə iştirakı xüsusi əhəmiyyət daşıyır.

20 saylı şəhər Poliklinikasının baş həkiminin müavini Nəzakət Həsənova bildirdi ki, 2015-ci ildən başlayaraq ölkə Prezidenti cənab İlham Əliyevin tapşırığı ilə gənclərin nikah öncəsi tibbi müayinədən keçirilməsinə başlanılmışdır. Bu tədbir gələcəkdə qurulucaq ailələrin qorunub-saxlanmasında mühüm əhəmiyyətə malikdir. Ailə həyatı qurmuş çütlüklərdən dünyaya gələn uşaqların sağlam doğulmasında bu tibbi müayinələrin əhəmiyyəti böyükdür.

Tədbirdə 40-50 il birgə ömür sürmüş Əfəndiyevlər, Məmmədovlar və Qəhrəmanovlar ailələrinin üzvləri keçdikləri ömür-gün yolu barədə tədbir iştirakçılarına məlumat verərək, yeni ailə quracaq gənclərə öz tövsiyyələrini verdilər. Bildirdilər ki, hər bir xoşbəxt ailənin açarı ailə üzvlərinin bir-birinə olan qarşılıqlı məhəbbət və hörmətindən asılıdır.  Ahıl cütlüklər bildirdilər ki, övladlarını evləndirib nəvə-nəticə sahibi olsalar da bu gün bir-birilərinə qarşılıqlı məhəbbət, hörmət və qayğı hissləri azalmamışdır. Bu isə ailənin möhkəm təməllər üzərində qurulmasını sübut edən səbəblərdən biridir.

Yeni ailə quracaq gənclər bu tədbirdə iştiraklarından məmnun olduqlarını bildirdilər və tədbir iştirakçılarını əmin etdilər ki, quracaqlı ailə uzunömürlü möhkəm təməllər üzərində olacaq, daim ailələrində milli-mənəvi dəyərlərimizin qorunmasına çalışacaqlar.

Həmçinin oxuyun

Təcrübəsiz adamlar necə direktor olur? – “Dostluq, qohumluq əlaqələri…”

Son vaxtlar məktəb və kollec direktorlarının fəaliyyətində nöqsan aşkarlanması və bu səbəbdən həmin vəzifəli şəxslərin …