Bazar , Noyabr 18 2018
Ana səhifə / Cəmiyyət / Bakının Mərkəzi Univermağını gələcəkdə nə gözləyir?

Bakının Mərkəzi Univermağını gələcəkdə nə gözləyir?

Mərkəzi Univermaq (MUM) sovet Bakısının məşhur görməli yerlərindən biri sayılır. İlk dəfə MUM öz qapılarını ötən əsrin 60-cı illərinin əvvəlində açıb. O vaxt SSRİ-nin böyük şəhərlərində mərkəzi univermaqlar inşa etmək dəbdə idi.
Bir neçə il əvvəl Bakı MUM-un binasında yaxşı ticarət var idi: alıcı əlindən tərpənmək olmurdu. Lakin indi o, az qala paytaxtın hər bir rayonunda tikilən çoxsaylı ticarət mərkəzlərinə (mall) uduzub.
Zərgər piştaxtasının sahibi Əhməd Ağazadə Oxu.Az-a bildirib ki, son illərdə MUM-da alış-veriş azalıb.
Onun fikrincə, səbəblərdən biri də onlayn ticarətin populyarlaşmasıdır. A. Ağazadə bildirib ki, MUM-da alış-veriş əvvəlki kimi deyil.
“Ola bilsin ki, bu, indi insanların fərqli həyat tərzi sürmələri yaxud da maliyyə ilə bağlıdır. Əvvəl kişilər öz həyat yoldaşlarına bayram hədiyyəsi almaq üçün heç olmasa ildə bir dəfə MUM-a gəlirdilər”, – deyə Ə. Ağazadə vurğulayıb.
O qeyd edib ki, hazırda insanlar Mərkəzi Univermağa əsasən toydan toya gəlirlər.
“Lakin sizə onu deyə bilərəm ki, əgər keyfiyyətli zərgərlik məmulatları almaq istəyirsinizsə, onları kənarda ala bilməzsiniz. Bizdə brilyant daşlarının tərkibi yaxşıdır, əyarı və keyfiyyəti yüksəkdir. MUM-da bütün məhsullar keyfiyyət yoxlanışından keçir, burada keyfiyyətsiz məmulatların satışı mümkün deyil”, – deyə Ə. Ağazadə bildirib.
Satıcı əmindir ki, məhz bu səbəbdən yaxın 10 ildə MUM-un bağlanmasından söhbət belə gedə bilməz.
Bakı şəhər İcra Hakimiyyətindən bildiriblər ki, Bakı Mərkəzi Univermağının bağlanması gündəmdə deyil.
VIPedu.BIZ

Həmçinin oxuyun

BDU-nun giriş-çıxışı bağlandı: Abel Məhərrəmov həbs olunur?

Abel Məhərrəmovun işdən çıxarılmasından sonra Bakı Dövlət Universitetində total yoxlamalar başlayıb. Yenicag.az xəbər verir ki, …