Şənbə , Fevral 23 2019
Ana səhifə / Bölgələr / Qax icra hakimiyyəti adına biabırçılıq… – FOTOFAKT

Qax icra hakimiyyəti adına biabırçılıq… – FOTOFAKT

Qax rayonunda Heydər Əliyev prospekti ilə Natavan küçəsinin kəsişməsində zibil əlindən tərpənmək mümkün deyil.

Bunu Qlobal.az-ın elektron poçtuna ünvanladıqları şikayət məktubunda sakinlər yazır.

Sakinlərin bildirdiyinə görə qeyd olunan ərazidə zibil qutusunun bir dənə olmasına görə məişət tullantıları ətraf ərazilərə səpələnir.

Sakinlər yazır: “Şəhərin gözəlliyinə xələl gətirən acınacaqlı durum barədə dəfələrlə Mənzil-Kommunal Təsərrüfatı Birliyinin rəhbərliyinə müraciət etmişik. Ancaq Mənzil-Kommunal Təsərrüfatı Birliyinin rəisi Eldəniz Şabanov hər dəfə bizə rayonda zibil qablarının çatışmadığını deyir”.

Küçəyə səpələnmiş zibilə görə azyaşlı uşaqlarını gəzməyə buraxmayan sakinlər daha sonra yazır: “Burada baş verənlər antisanitariya yaratmaqla bərabər, həm də, utancverici bir haldır. Zibil qabının qoyulduğu yerdən 10 metr aralı Şəhidlər Xiyabanı yerləşir. İyirmi Yanvar faciəsinin ildönümü ərəfəsində şəhər rəhbərliyinin yaranmış vəziyyətə biganə qalması bizi məcbur etdi ki, xoşagəlməz hadisəni ictimailəşdirək”.

Qax rayon İcra Hakimiyyətindən sakinlərin şikayətinə münasibət bildirilmədi.

Qax icra hakimiyyəti adına biabırçılıq...
Qax icra hakimiyyəti adına biabırçılıq...
Qax icra hakimiyyəti adına biabırçılıq...

Həmçinin oxuyun

Əliməmməd Nuriyev: Naxçıvanda böyük infrastruktur quruculuğu həyata keçirilib

Muxtar respublikanın Ordubad rayonunun Azadkənd kəndində su təchizatı sisteminin inşası layihəsi kənd əhalisini içməli su …