24 İyun 2017, Şənbə

Billi Geyts “Kontakt Home”-u məhkəməyə verdi –“Microsoft” nə tələb edir?

12:40 | 19.06.2017
676 dəfə oxundu

“Microsoft Corporation” şirkəti “Kontakt Home” mağzalar şəbəkəsinin sahibi “ABC-Telecom” MMC-ni məhkəməyə verib.

1 saylı Bakı İnzibati-İqtisadi Məhkəməsinə müraciət edən “Microsoft Corporation” şirkəti dəymiş zərərin ödənilməsi barədə tələb irəli sürüb.  Məhkəmə iddianın qismən təmin edilməsi barədə qətnamə çıxarıb. Qərardan narazı qalan hər iki tərəf apellyasiya şikayəti verib.  İşə Bakı Apellyasiya Məhkəməsində baxılır.

Xəbər verdiyimiz kimi, 1 saylı Bakı İnzibati-İqtisadi Məhkəməsi kompüterlərə yüklənmiş “Microsoft”un lisensiyasız proqram təminatı və bu kompüterlərin təkrar satışı ilə məşğul olan şirkətə qarşı müəllif hüquqlarına dair Azərbaycan Respublikasının qanunvericiliyinin tətbiqi ilə bağlı ilk dəfə olaraq qərar qəbul edib.

“ABC Telecom” şirkəti “Kontakt Home” mağazalar şəbəkəsi vasitəsi ilə müxtəlif növ rəqəmsal və məişət texnikasının, həmçinin mebellərin pərakəndə satışını həyata keçirir.  Məhkəmənin qərarına əsasən, “ABC Telecom” şirkəti (“Kontakt”) tərəfindən “Microsoft”un lisenziyasız proqram təminatının satışı və istifadəsinə qadağa qoyulub.

Apellyasiya müraciəti zamanı qərara məhkəmə tərəfindən yenidən baxılacaq. Bundan başqa, məhkəmə icraçıları qərarın yerinə yetirilməsinə nəzarət etmək məqsədilə “Kontakt” mağazalarında mühasibat hesabatları ilə tanış olub, anbarlarda müntəzəm yoxlamalar aparmaq hüququna malikdirlər.