Azinforum.az İnformasiya Portalı Onlayn Xəbər Portalı
Bakı şəhərində fəaliyyət göstərən əksər şadlıq sarayları bir qrup tərəfindən maraqlı şəkildə manopoliyaya götürülür. Proses bir ilə yaxındır ki, daha da sürətlənib. Bu maraqlı məlumatı Azinforum.az saytına uzun müddət şadlıq sarayı biznesində təcrübəsi olan, bu qəbildən olan bir neçə tanınmış məkana rəhbərlik etmiş şəxslərdən biri verib. Əslində, hansısa sahənin təmərgüzləşməsi, daha dəqiq desək , qeyri -bərabər rəqabət şəraiti hesabına bir əldə cəmləşdirilməsi bizim üçün o qədər də təəccüblü görünmədi. Çünki iqtisadiyyatın bir çox sahələrində biz anoloji mənzərənin şahidi olmuşuq. Ancaq paytaxt şadlıq evləri ətrafında yaşanan mənzərə tam fərqlidir. Həmsöhbətimiz bu səylərin şadlıq evlərini bir ələ cəmləyənlərə iqtisadi fayda vermədiyi qənaətindədir:
“Mən uzun illərdir ki, bu sahədəyəm. Gözümün onündə olduqca maraqlı proses gedir. Biz işlətdiyimiz şadlıq evinin maksimum nə qədər qazanc götürə biləcəyini bilirik. Hesablamamızda cuzi fərq ola bilər. Ortaya çıxan bu qrup gəlib şadlıq evinin sahibinə elə fantastik qiymət təklif edir ki, sahibkar mat qalır. Əvvəl şadlıq sarayını işlədən adamlardan onun büdcəsindən oğurluq etdiyi qənaətinə gəlir. Soyuq başla apardığı hesablamadan sonra, bir daha o qənaətə gəlir ki, nə qədər səy göstərsə də, onun öz məkanında təklif olunan qazancı çıxarması mümükün deyil. Ən nəhayət, sahibkar daşı ətəyindən töküb öz məkanınını sözügedən qrupa icarəyə verir. İcarə uzun müddətə götürülür və 3 aylıq haqqı əvvəlcədən, nağd şəkildə ödənilir. Restoranın işçi personalına dəyişilmir. Bir çox hallarda onları başqa restoranın personalı ilə rotasiya qaydasında yerdəyişmə edirlər. İcarəyə götürülən məkanın dekorasiyası yenilənir, bu işə də xeyli pul xərclənir. Bahalı toyların edildiyi restoranın imicini aşağı salmırlar. Toyu əvvəlkindən də ucuz qiymətə etməklə menyunu daha da zənginləşdirirlər”.
Həmsöbətimizin sözlərinə görə, bu prosesdə artan dinamika nəzərə çarpır və artıq paytaxtın orta təbəqənin toy etməsi üçün nəzərdə tutulan bir çox restoranları həmin qrupun əlində cəmləşib:
” Hazırda nisbətən bahalı restoranların icarəyə götürülməsinə səylər göstərilir. Hətta bu istqamətdə bəzi məkanlarla bağlı uğurlu razılaşmaların əldə edildiyi bildirilir. Bizim hesablamalrımıza görə, həmin adamlar hələ ki, ziyanla işləyirlər. Ancaq bu aləmdə yaşananlar həmin sahənin mütəxəsissləri tərəfindən təəccüblə izlənilir. Görək, sonu necə olacaq?”
Azinforum.az-ın apardığı araşdırmadan sonra məlum olub ki, bu prosesə əvvəlcə əslən Bakıdan olan Həsən adlı bir iş adamı rəhbərlik edib. Həsənin indiyə kimi paytaxtdakı bir çox tanınmış məkanları işlətdiyi bildirilir. Bakı Əyləncə Mərkəzi kimi tanınmış prestijli yerin də idarəçilyi uzun müddət Həsənin əlində olub. Bir müddətdir ki, Həsən bu işdən ayrılıb və estafeti onun işçiləri əlinə götürüb. Hazırda bu işə onun Fərid adlı bacısı oğlu başçılıq edir. Əvvəl bu maraqlı biznesdə onlarla birgə olan , sonra isə müstəqil fəaliyyətə başlayan Pənah adlı şəxsin Fəridin əsas rəqiblərindən olduğu deyilir. Pənahın hazırda “8 km” ərazisindəki bir neçə restoranın idarəçiliyini əlinə keçirdiyi bildirilir. Bu biznesdə tanınmış bir müqəninin də, Fəridin dəstəsinə köməklik etdiyi və əldə olunan qazancdan ona da pay düşdüyü söylənilir. Mövzuya qayıdacayıq…
Rövşən ƏLİ,
Azinforum.az
