Bakıda 28 yaşlı qadın döyülüb.
“Report” xəbər verir ki, hadisə Nizami rayonu, 8-ci kilometr qəsəbəsində qeydə alınıb.
Belə ki, 28 yaşlı Əliyeva Səidə Şahin qızı nişanlı olan rəfiqəsi L.M.-nın (şərtidir) digər bir şəxslə görüşdüyü vaxt fotosunu çəkib və onu həmin fotoşəkillə şantaj edib.
Bundan əsəbiləşən L.M. anası ilə birgə S.Əliyevanı “Turan” mebel evinin qarşısında avtomobillə vurub.
Onlar daha sonra S.Əliyevanı döyüb və ərazidən uzaqlaşıblar.
S.Əliyeva xəstəxanaya yerləşdirilib.
Faktla bağlı Nizami Rayon Polis İdarəsində araşdırma aparılır.