Bazar ertəsi , Oktyabr 22 2018
Ana səhifə / Aktual / Təhsil naziri ƏMR İMZALADI – “Son zəng”lə bağlı

Təhsil naziri ƏMR İMZALADI – “Son zəng”lə bağlı

Bu il XI sinifləri 83 001 nəfər şagird bitirir. Bu barədə Mia.az-a Təhsil Nazirliyindən məlumat verilib.

Bildirilib ki, 2017-2018-ci tədris ilində respublikanın ümumtəhsil məktəblərinin IX siniflərini 111 257 nəfər, XI siniflərini 83 001 nəfər, qiyabi(axşam) ümumtəhsil məktəblərini isə 658 nəfər şagird bitirir.

2017-2018-ci tədris ilində respublika üzrə 4442 ümumi təhsil məktəbində fəaliyyət göstərən 4767 məktəbəhazırlıq qrupunu 93 960 uşaq başa vurub. Növbəti tədris ilində dövlət hesabına fəaliyyət göstərən məktəbəhazırlıq qruplarına respublika üzrə cəlb olunacaq uşaqların sayının beşyaşlıların 75 faizini təşkil edəcəyi proqnoz edilir.

2018-2019-cu tədris ilində respublikanın ümumtəhsil məktəblərinin I siniflərinə 165 780uşağın qəbuluproqnozlaşdırılır.

Təhsil naziri Ceyhun Bayramovun müvafiqəmrinə əsasən, “Son zəng” tədbiri iyunun 14-də hər bir təhsil müəssisəsinin ərazisində təşkil olunacaq.Əmrdə məktəb rəhbərlərinə “Son zəng” tədbirində valideyn komitələri,valideyn-müəllim assosiasiyaları vəictimaiyyət nümayəndələrinin, məktəbin sabiq məzunlarının iştirakı tövsiyə edilib.

Yerli təhsili idarəetmə qurumları tərəfindən “Son zəng”in məzmunlu keçirilməsi və şagirdlərin təhlükəsizliyinin təmin edilməsi istiqamətində zəruri tədbirlərin görülməsi də əmrdə əks olunub.

Məzunları təbrik edir, onlara gələcək həyat və təhsillərində uğurlar arzulayırıq!

Həmçinin oxuyun

Eldar Əzizov departament rəhbərini işdən çıxardı – Yeni təyinat

Bakı Şəhər icra Hakimiyyəti başçısı vəzifəsini icra edən Eldar Əzizov departament rəhbərini işdən çıxarıb. Azinforum.az unikal.org-a …