Bazar ertəsi , Dekabr 10 2018
Ana səhifə / Aktual / Professor Qara Mustafayev vəfat edib

Professor Qara Mustafayev vəfat edib

Azərbaycanın məşhuralimi, biologiya elmləri doktoru, professor, Bakı Dövlət Universitetinin (BDU) “Onurğalılar zoologiyası və bioekologiya” kafedrasının müdiri Qara Mustafayev 86 yaşındavəfat edib.

Bu barədə “Report”a BDU-dan məlumat verilib.

Qeyd edək ki, Q.Mustafayev25 dekabr 1931-ci ildə Kürdəmir rayonunda kolxozçu ailəsində anadan olub. 1954-cü ildə ADU-nun biologiya fakültəsini bioloq-zooloq ixtisası üzrə fərqlənmə diplomu ilə bitirib. 1954-1957-ci illərdə aspiranturada təhsil alıb. 1958-ci ildə elmlər namizədi (1958) və elmlər doktoru (1985) alimlik dərəcələrini və sonra professor elmi adını alıb. 1958-1960-cı illərdə AMEA-nın Zoologiya İnstitutunda elmi işçi, 1960-cı ildən Bakı Dövlət Universitetinin Biologiya fakültəsində çalışıb.

Elmdə və təhsildəki xidmətlərinə görə o 30-dan çox tərifnamə, medal, fəxri fərman, diplom və digər mükafat və qiymətli hədiyyələrlə təltif olunub, Beynəlxalq Pedaqoji Elmlər Akademiyasının akademiki seçilib və “Şöhrət Ordeni”nə layiq görülüb.

Xatırladaq ki, mərhum “Təbiəti sevənlər” verilişinin aparıcısı kimi məşhur idi.

VIPedu.BIZ

Həmçinin oxuyun

Professor: “Dilimizdə əcnəbi sözlərin işlədilməsi də ciddi problemlərdən biridir”

“Dilimizdə əcnəbi sözlərin (alınma sözlərin yox, məhz əcnəbi sözlərin) işlədilməsi də ciddi problemlərdən biridir”. “Report” …