Cümə axşamı , Oktyabr 18 2018
Ana səhifə / Aktual / Prezident İlham Əliyev: “Tütün bitməyən ölkələr bizə siqaret ixrac edirlər, bu, dözülməzdir…”

Prezident İlham Əliyev: “Tütün bitməyən ölkələr bizə siqaret ixrac edirlər, bu, dözülməzdir…”

“Mənim iradlarımı tütünçülüyə də aid etmək olar. Bu sahə də demək olar ki, batıb gedirdi. Heç bir dövlət dəstəyi göstərilmirdi. Ancaq biz bu məsələ ilə məşğul olmağa, qurutma kameralarının yaradılmasına, tütün istehsalının təşviqi üçün addımlar atmağa başlayanda dərhal gözəl nəticələri görürük”.

Virtualaz.org bildirir ki, bunu Prezident İlham Əliyev ötən gün Nazirlər Kabinetinin ilin 9 ayının yekunlarına həsr edilmiş iclasındakı yekun nitqində deyib.

Prezident Azərbaycanın tütün istehsal edə-edə xaricdən siqaret aldığını bildirərək əlavə edib: “Elə ölkələr var ki, orada tütün, ümumiyyətlə, bitmir, onlar bizə siqaret ixrac edirlər. Bu, absurddur, dözülməzdir. Sadəcə, ona görə ki, bu məsələ ilə məşğul olmurdular və bu sahəni başlı-başına buraxmışdılar. Bəlkə hesab edirdilər ki, belə də olmalıdır. Amma biz indi vəziyyəti tam dəyişdiririk. Azərbaycanda yeni siqaret fabrikləri yaradılır. Biz özümüzü siqaretlə böyük dərəcədə təmin edəcəyik, ixrac potensialı yaradılır. Tütünçülükdə vəziyyət necədir? Əgər 2015-ci ildə 3400 ton quru tütün istehsal olunubsa, bu il 6 min ton quru tütün istehsalı nəzərdə tutulur, təxminən iki dəfə çox. Doqquz min insan tütünçülükdə işləyir, yaxşı pul qazanır. Bax, görülən işlərin nəticəsi budur”.

Həmçinin oxuyun

Aydan Rzayeva vəzifədən alındı – Prezidentdən daha bir diplomat haqda sərəncam

Prezident İlham Əliyev bu gün daha bir konsulun geri çağırılması haqda sərəncam verib. Mia.az xəbər verir ki, …