“Ölkəmizi tanıyaq” tur-aksiyası çərçivəsində cənub bölgəsindən səfərdən qayıdan Nəsimi məktəbliləri təəssüratlarını bölüşdülər

11-14 noyabr tarixində “Ölkəmizi tanıyaq” tur-aksiyası çərçivəsində Nəsimi məktəbliləri ölkəmizin cənub bölgəsində olmuşlar. Tur-aksiyası uğurla başa çatmışdır.

Səfərdən geri dönən məktəblilər Nəsimi rayon İcra Hakimiyyətində təntənə ilə  qarşılandılar. Tur-aksiyanın uğurla başa çatması münasibəti ilə keçirilən tədbirdə məktəblilər cənub bölgəsindəki təəssüratlarını öz valideyinləri və müəllimləri ilə bölüşdülər.

“Ölkəmizi tanıyaq” adı altında maarifləndirici  tur –aksiyada iştirak etmiş Nəsimi rayon məktəbliləri və onların valideyinləri ilə görüşdə çıxış edən Nəsimi rayon İcra Hakimiyyətinin Başçısı Asif Əsgərov  Möhtərəm Prezidentimiz  cənab İlham Əliyevin gənc nəslin tərbiyəsi, onların savadlı, vətənpərvər böyüməsi və fiziki inkişafına yetirdiyi diqqət və qayğıdan danışmış, bu kimi turların təşkilinin də həmin tədbirlər çərçivəsində olduğunu vurğulamışdır. Asif Əsgərov çıxışna davam edərək bildirmişdir ki, doğma Azərbaycanın ayrı-ayrı guşələrinin rayon məktəbliləri tərəfindən daha yaxşı tanınması, o cümlədən onların bölgələrimizin zəngin turizm potensialı, tarixi-mədəni abidələri, muzeyləri ilə tanış olması baxımından  bu maarifləndirici tur aksiyaların əhəmiyyəti çox böyükdür.

Qeyd olunmuşdur ki, cari ilin yay aylarında Nəsimi rayon İcra Hakimiyyəti tərəfindən  yeniyetmələr üçün respublikamızın dilbər güşələrindən olan  Quba və Şəki rayonlarında yay istirahət düşərgələri təşkil olunmuşdur.

Görüş zamanı məktəblilər daima yadda qalacaq təəssüratlarını və xatirələrini bölüşərək bu cür layihələrin həyata kiçirilməsinə görə Azərbaycan Respublikasının Prezidenti İlham Əliyevə və  Azərbaycan Respublikasının Birinci vitse-prezidenti Mehriban xanım Əliyevaya öz təşəkkürlərini bildirmişdirlər.