Şənbə , Fevral 16 2019
Ana səhifə / Aktual / Mübariz Qurbanlı icra başçısına edilən sui-qəsddən danışdı: “Bu Azərbaycanın əleyhinə çıxış edən qrupların işidir”

Mübariz Qurbanlı icra başçısına edilən sui-qəsddən danışdı: “Bu Azərbaycanın əleyhinə çıxış edən qrupların işidir”

“Gəncə şəhərində törədilən cinayət birbaşa terror aktıdır. Bunu təşkil edənlər, arxasında duranların qarşılarına qoyduğu əsas məqsəd ölkədə ictimai-siyasi sabitliyi pozmaq, qarşıdurma yaratmaq və dindən bu ad altında istifadə etməkdir”.

“Report” xəbər verir ki, bunu jurnalistlərə açıqlamasında Dini Qurumlarla iş üzrə Dövlət Komitəsinin sədri Mübariz Qurbanlı deyib.

O bildirib ki, Azərbaycan güclü dövlətdir: “Kimlərsə bu cür hadisələrlə ictimai siyasi sabitliyi poza bilməz. Bunu din adı altında edənlər əslində dini təhrif edirlər. Çünki bu, dinə aid məsələ deyil. Məsələnin arxasında kimlərin və hansı məqsədlərin dayandığı hər kəsə bəllidir. Hüquq-mühafizə orqanları araşdırma aparır və nəticə hər kəsə aydın olacaq. Əminəm ki, bu məsələdə əli olan hər kəs layiqli cəzalarını alacaqlar. Bunun arxasında duran xarici və ya daxili dairələr varsa, onlar da ifşa olunacaq”.

Komitə sədri təəssüf hissi ilə qeyd edib ki, bəziləri bunu yalnış yozublar: “Artıq mahiyyət bəllidir. Gəncədə terror aktını törədənləri kimliyi, onları müdafiə edənlər ortadadır. Bu, yalnız Azərbaycanın əleyhinə çıxış edən qrupların işidir. Onlar öz istəyinə nail olmayacaq”.

Həmçinin oxuyun

İlham Əliyev Moskvada baş vermiş hadisədən sonra Polad Bülbüloğluya tapşırıq verdi

Azərbaycan Prezidenti İlham Əliyev Moskvada azərbaycanlılarla çeçenlər arasında baş vermiş hadisə ətrafında vəziyyəti nəzarət altında …