İctimai Birlik Milli Qəhrəmanı doğum günü münasibəti ilə təbrik etdi

Milli Qəhrəmanları Tanıtım İctimai Birliyi Azərbaycanın Milli Qəhrəmanı Zabit Quliyevi doğum günü münasibəti ilə təbrik edib. İctimai Birlik tərəfindən Azinforum.az-a təqdim edilən təbrikdə deyilir:

“Quliyev Zabit Adil oğlu 1975-ci ildə Kürdəmir rayonunun Ərəbxana kəndində dünyaya göz açıb. 1992-ci ildə Ərəbxana kənd orta məktəbini bitirib. Bir müddət doğma kəndlərində təsərrüfat işləri ilə məşğul olur, mexanizator kimi əkin-biçində iştirak edir. Zəhmətkeş bir ailədə böyüdüyünə görə, onun üçün çətin iş yox idi.
Quliyev Zabit Adil oğlu 1993-cü ilin sentyabrında Kürdəmir rayon Hərbi Komissarlığı tərəfindən Milli Orduya çağrılır və bir başa döyüş bölgəsinə göndərilir. O, özünü cəsur bir əsgər və bacarıqlı döyüşçü kimi göstərib.
Zabit Quliyev Füzuli, Ağdam Ağdərə və Tərtər bölgələrində gedən döyüşlərdə rəşadətlə vuruşub. O, ölüm-dirim məqamlarında belə öz sayıqlığını, mətinliyini və soyuqqnlılığını itirməyərək sərrast atəşlə düşmənin ağır döyüş texnikasını sıradan çıxarır və bir neçə hücumun qarşısının alınmasında yüksək döyüş məharəti göstərir. Təkcə Seysulan kəndində gedən ağır döyüşlər zamanı o, düşmənin dörd tankını vurur.
Qəddar və məkirli ermənilər tərəfindən cəlb edildiyimiz müharibənin bütün ağrı-acılarını o da qeyrətli Vətən övladları ilə birgə yaşayır. Qismətinə düşən bu sarsıntılı, məşəqqətli günlərdən, ağır sınaqlardan üzüağ, alnıaçıq çıxmış, özünü mahir atıcı kimi tanıtmışdır. Onun həyat yolu gənclərimiz üçün bir örnəkdir, qəhrəmanlıq məktəbidir.
Ailəlidir. Bir övlad atasıdır.
Azərbaycan Resbublikası Prezidentinin 4 aprel 1995-ci il tarixli 307 saylı fərmanı ilə Quliyev Zabit Adil oğluna “Azərbaycanın Milli Qəhrəmanı” adı verilmişdir. Canlı əfsanə olan qəhərəmanımızı MQTİB adından təbrik edirik, ona üzün ömür, can sağlığı arzulayırıq”.

Azinforum.az

Zdrave universal kremi zdrave forte