Bazar ertəsi , Oktyabr 15 2018
Ana səhifə / Aktual / Erməni siyasətçidən sensasion bəyanat: “Azərbaycanın torpaqlarını işğal etmişik”

Erməni siyasətçidən sensasion bəyanat: “Azərbaycanın torpaqlarını işğal etmişik”

Ermənistanın ilk prezidenti Levon Ter-Petrosyanın sədrlik etdiyi “Erməni Milli Konqresi” partiyasının üzvü Zoya Tadevosyan jurnalistlərlə keçirdiyi görüşdə sensasion bəyanat verərək, Dağlıq Qarabağ münaqişəsinin həlli üçün Ermənistanın işğal etdiyi ətraf 7 rayonun Azərbaycana geri qaytarılmalı olduğunun vacibliyini bidirib.
AzVision.az xəbər verir ki, Tadevosyan ətraf 7 rayonun Qarabağa aid olmadığını və Ermənistanın həmin əraziləri işğal etdiyini etiraf edib:

“Biz Qarabağ müharibəsi zamanı ələ keçirilmiş bu torpaqları “azad edilmiş” adlandırırıq. Amma bu auditoriyada oturan hər kəs yaxşı bilir ki, həmin ərazilər işğal olunub”.

Lakin xanım siyasətçinin bu etirafı zalda əyləşən erməni jurnalistlərini hiddətləndirib. Jurnalistlərin “onda bu bəyanat o deməkdir ki, həmin ərazilər işğal edilib?” sualına Tadevosyan əks-sualla “Bəs bu torpaqlar ermənilərindir ki?” cavabını verib.

Erməni siyasətçi daha sonra əlavə edib ki, əgər Dağlıq Qarabağ münaqişəsinin həlli ərazilərin qaytarılmasını tələb edirsə, o zaman İrəvan bununla razılaşmalıdır. “Heç kim məndən inciməsin, çünki bu problemi mən həll etmirəm. Bu məsələ hər zaman həmsədrlər tərəfindən ortaya qoyulub və o cümlədən, danışıqlar masasında da müzakirə edilib. Söhbət işğal edilmiş ərazilərin qaytarılmasını nəzərdə tutan nizamlanmadan gedirsə, onda əlbəttə ki, bu, düzgün addımdır. Əgər bütün ölkələr münaqişənin həllini bunda görürsə, biz də razılaşmalıyıq”, – deyə Tadevosyan bəyan edib.

Jurnalistlər siyasətçinin dediklərinə irad tutaraq vurğulayıblar ki, erməni tərəfi Qarabağ ətrafındakı 7 rayonu işğal edilmiş yox, azad olunmuş hesab edir. Zoya Tadevosyan isə iradlara cavabında “Bu, Ermənistanın mövqeyidir. Beynəlxalq ictimaiyyət isə bu məsələdə başqa cür düşünür – həmin əraziləri işğal edilmiş adlandırır”- deyib.

Lakin xanım siyasətçinin həqiqəti əks etdirən arqumentləri jurnalistlərin qəzəbini soyutmayıb. Onların “Qarabağ xalqının fikrini soruşmusunuz?” sualına Tadevosyan “Mən heç kimdən heç nə soruşmuram, hamıya məlum olan faktı təsdiq edirəm”- cavabını verərək jurnalistləri susdurub.

Həmçinin oxuyun

Villa sahibləri Badamdardan qaçır: Evləri gözətçilər qoruyur

2018-ci il oktyabr ayının 12-də gecə saatlarında Bakı şəhəri Səbail rayonu ərazisində – Badamdar şossesində …