Cümə axşamı , Oktyabr 18 2018
Ana səhifə / Aktual / DSMF-dəki yanğın Səlim Müslümovun göstərişilə törədilib? – Nazirlikdən CAVAB VERİLDİ

DSMF-dəki yanğın Səlim Müslümovun göstərişilə törədilib? – Nazirlikdən CAVAB VERİLDİ

Bir neşə gün öncə Əmək və Əhalinin Sosial Müdafiəsi Nazirliyi (ƏƏSMN) yanında Dövlət Sosial Müdafiə Fondu (DSMF) Aparatının buinasında baş vermiş yanğın eks nazir Səlim Müslümov barəsində yeni söz-söhbətlərin yaranmasına səbəb olub. Sosial şəbəkələrdə bəzi KİV-lər yanğının qəsdən törədildiyi iddia olunur.

“1 iyun 2018-ci il tarixində nahar fasiləsi vaxtı Əmək və Əhalinin Sosial Müdafiəsi Nazirliyi (ƏƏSMN) yanında Dövlət Sosial Müdafiə Fondu (DSMF) Aparatının yerləşdiyi inzibati binanın 7-ci mərtəbəsində ümümi sahəsi 13 kv.m olan iş otağında yanğın baş verib”.

Bu barədə Modern.az-ın sorğusuna cavab olaraq ƏƏSMN-nin İctimaiyyətlə əlaqələr şöbəsinin rəhbəri Fazil Talıbov bildirib.

F.Talıbovun sözlərinə görə, yanğın zamanı inzibati binada olan bütün işçilər təxliyə edilib:
“Hadisə yerinə çağırılmış Fövqəladə Hallar Nazirliyinin Dövlət Yanğından Mühafizə Xidmətinin yanğınsöndürmə briqadası tərəfindən yanğın qısa vaxt ərzində söndürülüb, onun digər otaqlara yayılmasının qarşısı alınıb. Hadisə zamanı iş otağında olan iş masası və kreslo, iş masasının üstündə olan sənədlərin (məktub və yazışmalar) bir hissəsi yanıb”.

Şöbə müdiri yanmış sənədlərin elektron variantının nazirliyin Mərkəzləşdirilmiş İnformasiya Sistemində (MİS) mövcud olduğunu vurğulayıb və onlar bərpa ediləcək:

“Hazırda yanğının baş vermə səbəbləri aidiyyəti qurumlar tərəfindən araşdırılır”.

Qeyd edək ki, mətbuatda DSMF-də baş verən yanğının sabiq Əmək və Əhalinin Sosial Müdafiəsi naziri Səlim Müslümovun göstərişilə bəzi sənədlərin məhv edilməsi məqsədilə qəsdən törədildiyinə dair məlumatlar yer alıb.

Həmçinin oxuyun

Aydan Rzayeva vəzifədən alındı – Prezidentdən daha bir diplomat haqda sərəncam

Prezident İlham Əliyev bu gün daha bir konsulun geri çağırılması haqda sərəncam verib. Mia.az xəbər verir ki, …