Azinforum.az İnformasiya Portalı Onlayn Xəbər Portalı
Baş nazir Novruz Məmmədov da fevralın 5-də imzaladığı və sosial şəbəkələrdə geniş müzakirə obyektinə çevrilən “Meşə təsərrüfatına dəymiş ziyana görə maddi məsuliyyətə cəlb edilmə qaydaları haqqında” Nazirlər Kabinetinin 1993-cü il 27 dekabr tarixli 636 nömrəli Qərarının 5-ci hissəsinin ləğvi haqqında qərarı imzalayıb.
“Qafqazinfo” xəbər verir ki, sözügedən qərarın “1-8” rəqəmləri “1-4, 6-8” rəqəmləri ilə əvəz edilib və 5 saylı əlavəsi ləğv olunub. Bundan əlavə, Nazirlər Kabinetinin “Meşə təsərrüfatına dəymiş ziyana görə maddi məsuliyyətə cəlb edilmə qaydaları haqqında” 1993-cü il 27 dekabr tarixli 636 nömrəli və “Meşə qanunvericiliyinin pozulması hallarının qarşısının alınması tədbirləri haqqında” 2004-cü il 30 sentyabr tarixli 145 nömrəli qərarlarında dəyişikliklər edilməsi haqqında” 2019-cu il 31 yanvar tarixli 30 nömrəli Qərarının 1.2-ci bəndində “1-7” rəqəmləri “1-4, 6, 7” rəqəmləri ilə əvəz edilib və 5 nömrəli əlavəsi də ləğv olunub.
Qeyd edək ki, ötən gün Azərbaycan Prezidenti İlham Əliyev meşədən meyvələrin və bitkilərin yığılmasına tətbiq edilən ödənişlərin ləğv edilməsi ilə bağlı göstəriş vermişdi.
